ABC (क्राईमबिट) पर्सा । पर्सागढी नगरपालिका वडा नम्बर ९ एकटांगास्थित बागेश्वरी बेश क्याम्प तित्रौनाबाट सशस्त्र प्रहरी निरीक्षक हिमाल थापाको नेतृत्वमा खटिएको टोलीले १७५ किलो बोइलर कुखुरा बरामद गरेको हो ।
बिआर २२ एएफ २७११ नम्बरको भारतीय मोटरसाइकलमा लोड गरी अवैध रुपमा भारतबाट ल्याएर जितपुरतर्फ जाँदै गरेको अवस्थामा कुखुरा बरामद गरिएको सशस्त्र प्रहरी निरीक्षक थापाले बताए ।
उनकाअनुसार बरामद कुखुरा ५० हजार २१६ रुपैयाँ मूल्य बराबरको थियो ।
सशस्त्र प्रहरीलाई देख्ने बित्तिकै मोटरसाइकल र कुखुरा छोडी फरार भएका थिए । बरामद कुखुरालाई पर्सागढी नगरपालिका वडा नम्बर ६ का वडाअध्यक्ष नवलकिशोर प्रसाद कलवार, स्थानीय बुद्धिजिवी, सञ्चारकर्मी लगायतको रोहबरमा नष्ट गरिएको थियो ।
