ABC (क्राईमबिट)
धनुषा । उपमहानगरपालिका ७ बस्ने २४ वर्षीय मोहम्मद गुलाम मन्सुर भन्ने रवानी मन्सुर रहेका छन् ।
धनुषा प्रहरीका अनुसार मन्सुर मंगलबार राति १ बजे छतबाट लडेर घाइते भएका थिए । प्रादेशिक अस्पताल जनकपुरधाम उपचारको क्रममा बुधबार बिहान ११ बजे मृत्यु भएको थियो ।
प्रहरी अनुसन्धानको क्रममा घटनामा शंकास्पद देखेपछि मृतकका चारजना साथीलाई नियन्त्रणमा लिएको थियो । पक्राउ परेका ४ जना मध्य२ जनालाई पत्रकार सम्मेलनमार्फत सार्वजनिक गरिएको थियोे ।
पक्राउ पर्नेमा जनकपुरधाम उपमहानगरपालिका–७ जानकीनगर बस्ने २० वर्षीय अनुज तिवारी, २५ वर्षीय जियाउल राईन, वडा नम्बर–८ बस्ने ३१ वर्षीय राजकुमार साह र नगराईन नगरपालिका–२ बस्ने २१ वर्षीय जितेन्द्र कुमार मण्डल रहेका छन् ।
धनुषाका प्रहरी उपरीक्षक (एसपी) विश्वराज खड्काले मृतक र पक्राउ परेका व्यक्तिहरु मंगलबार धनुषाको जटही नाकाबाट लागूऔषध सेवन गरेर आएको जानकारी दिएका हुन् ।
मंगलबार राति १ बजे जनकपुरधाम–२३ लादोमा चुरोट किनेर सोही स्थानमा रहेको निर्माणाधीन पक्की घरको दोस्रो तल्लाको छ्तमा चढेर उनीहरुले चुरोटमा गाँजा मिलाएर सेवन गरेका थिए । अन्त्यमा चुरोट तान्ने विषयमा विवाद हुँदा मन्सुर छतबाट लडेका थिए ।
उपचारको क्रममा उनको मृत्यु भएको धनुषाको प्रहरी उपरीक्षक खड्काले बताए । यस सम्बन्धमा थप अनुसन्धान भइरहेको जिल्ला प्रहरी कार्यालय धनुषाले जनाएको छ ।
