(ABC-Sanchar)
काठमाडौं । सरकारी स्वामित्वमा रहेकाे उदयपुरकाे सिमेन्ट उद्योगका विद्युत लाइन काटिएको छ । नियमित भुक्तानी गर्नु पर्ने रकम समयमै नतिर्दा विद्युतलाईन काटिएको विद्युत प्राधिकरण गाईघाट शाखाले जनाएको छ ।
७ करोड ९४ लाख भन्दा बढी विद्युत महशुल बुझाउन बाँकी रहेकोले विद्युत लाइन काटिएको नेपाल विद्यूत प्राधिकरण गाईघाटका शाखा प्रमुख विजयबाबु खत्रीले बताए । बीचबिचमा रकम भुक्तानी गर्दै जानकारी गराउनु भएको हाे अपुरो भुक्तानी गर्ने गरेकोले बाँकीबक्यौता ७ करोड ९४ लाख बढी रकम भुक्तानी गर्न बाँकी रहेको उनकाे भनाइ थियो । नेपाल विद्युत प्राधिकरण विद्युत महशुल संकलन विनियमावली २०७८ को विनियम १० अनुसार मिटर रिडिङ्ग गरेको ६० औं दिनसम्म विद्युत महशुल नबुझाएमा विना सूचना जुनसुकै समय लाइन काटिने व्यवस्था रहेको छ । तर उदयपुर सिमेन्ट उद्योगले लामो समयदेखि बक्यौता नबुझाएको कारण विद्युत लाइन काटिएको हो । प्रदेश र केन्द्रसँगै समन्वय गरेर विद्युत लाइन काटिएको शाखा प्रमुख खत्रीले बताए । ट्रक र डेडिकेटट लाइन बाहेकको बक्यौता धेरै भएपछि विद्यूत लाइन काट्न बाध्य भएको उनकाे भनाइ छ । ट्रंक र डेडिकेटेट लाइनको बक्यौता लामो समयदेखि तिर्न बाँकी रहेको उनले बताए । उद्योगले ट्रंक र डेडिकेटट लाइन बापत करिव ४२ करोड ३३ लाख बढी बक्यौता तिर्न बाँकी देखिएको छ । उद्योगको विद्युत लाइन काटिएको विषयमा महाप्रबन्धक गोपीकृष्ण न्यौपानेलाई मोबाइलमा सम्पर्क गर्दा उनले फोन नै नउठाउने गरेको ले । यस विषयमा उद्योग संचालक समितिका अध्यक्ष केशव कुमार बस्नेतलाई बुझदा उनले आफु यस विषयमा अनविज्ञ रहेकोले उद्योग तर्फ जाँदैछु पछि कुरा गर्ने बताए । उद्योगले एक महिना अघिदेखि क्लिङकर उत्पादन गरेको छैन भने भएको क्लिङकर एक हप्ता अघि नै सकिएर सिमेन्ट प्याकिङ बन्द गर्नुपर्ने अवस्था भएको हो।
