(सागर थापा) काठमाडौं । राष्ट्रिय प्रहरी प्रशिक्षण प्रतिष्ठान काठमाडौंका कार्यकारी निर्देशक एवं नेपाल प्रहरी खेलकुद समितिका सदस्य सचिव प्रहरी अतिरिक्त
महानिरीक्षक एआईजी टेक प्रसाद राईको प्रमुख आतिथ्यतामा नेपाल प्रहरीको तर्फबाट विभिन्न खेलमा सहभागी भई पदक विजेता खेलाडी तथा प्रशिक्षकहरुलाई बधाई तथा सम्मान कार्यक्रम सम्पन्न भयो ।
उक्त कार्यक्रममा राष्ट्रिय प्रहरी प्रशिक्षण प्रतिष्ठानका सह निर्देशक तथा नेपाल प्रहरी अपराध अनुसन्धान विद्यालयका प्रधानाचार्य, तेक्वान्दो खेलका ग्राण्डमास्टर क्वोन योङ दाल लगायत सिनियर प्रहरी अधिकृतहरु समेतको उपस्थिति रहेको थियो ।
सो अवसरमा प्रमुख अतिथिबाट उपस्थित सम्पूर्ण खेलाडी तथा प्रशिक्षकहरुलाई अनुशासित भई खेल खेल्नुका साथै आगामी दिनहरुमा पनि उत्कृष्ट खेल प्रदर्शनद्वारा संगठन र राष्ट्रको गरिमा उच्च बनाउन आवश्यक निर्देशन समेत दिनु भयो ।
