ABC (क्राईमबिट)
काठमाडौं । रामेछाप घर भई हाल काठमाडौँ चन्द्रागिरि नगरपालिका-९ मच्छेगाउँ बस्दै आएकी ३६ वर्षीय शान्ति श्रेष्ठले आगो लगाएर आत्महत्या गरेको जिल्ला प्रहरी परिसर काठमाडौँले जनाएको छ ।
प्रहरीका अनुसार श्रेष्ठले शुक्रबार दिउँसोको समयमा पेट्रोल खन्याएर आगो लगाएकी थिइन् । उनी जल्दै कोठा अगाडिको सडकमा आएपछि स्थानीय र प्रहरीले उद्धार गरेका थिए ।
उद्धार गरिएकी श्रेष्ठको उपचारका क्रममा कीर्तिपुर अस्पतालमा आज बिहान मृत्यु भएको प्रहरीले जनाएको छ ।
घटना के कति कारणले भएको हो भन्नेबारे अनुसन्धान भइरहेको प्रहरीले जनाएको छ ।
