(ABC-Sanchar)
दाङ । जिल्ला प्रशासन कार्यालयले एक सूचना जारी गर्दै शुक्रबारदेखि रातिको ११ बजेसम्म बजार खोल्न दिने जनाएको छ । जिल्लामा यसअघि राति १० बजेसम्म खुल्दै आएका होटल तथा सेवा जन्य व्यवसाय अब राति ११ बजेसम्म खुल्ने अनुमति पाएका हुन् ।
जिल्ला प्रशासन कार्यालयले शुक्रबार सूचना जारी गर्दै क्लब, डिस्को, डान्स, दोहोरी, रेष्टुरेन्ट, लाउन्ज तथा बारहरू, मदिरा बिक्री वितरण गर्ने पसलहरू (बोतलबन्द बिक्रीहुने मात्र) र होटल, रेष्टुरेन्ट, कफीसप, खाजा तथा खाना खुवाउने पसल, पान पसल लगायत यस्तै प्रकृतिका सेवा जन्य व्यवसायहरू राति ११ बजेसम्म खोल्न सकिने सहायक प्रमुख जिल्ला अधिकारी सावित्रा पुनद्धारा हस्ताक्षरित सूचनामा उल्लेख छ ।
