(ABC-Sanchar)
दाङ । घोराही उपमहानगरपालिकाको दमकलसहित नेपाल प्रहरी, शसस्त्र प्रहरी, नेपाली सेनालगायत स्थानीयको प्रयासमा आगलागी नियन्त्रणमा आएको प्रहरीले जानकारी दिएको छ ।
गोदाममा आगलागी हुँदा लाखौँको क्षति
यसैबिच इलेकट्रोनिक पसलमा आगलागी हुँदा लाखौँ मूल्य बराबरको क्षति भएको छ । बञ्जाडे इलेकट्रोनिक पसलको गोदाम घरमा आगलागी हुँदा लाखौँको क्षति भएको प्रहरीले जानकारी दिएको छ ।
गोदाममा लागेको आगो घोराही उपमहानगरपालिकाको दमकल, नेपाल प्रहरी, सशस्त्र प्रहरी, नेपाली सेनालगायत स्थानीयको सहयोगमा करिब एक घण्टापछि आगो नियन्त्रणमा आएको थियो । जिल्ला प्रहरी कार्यालय दाङका उपरीक्षक वलीका अनुसार आज बिहान करिब साढे ११ बजेतिर पसलको गोदाममा विद्युत सर्ट भएर आगलागी भएको प्रहरीको प्रारम्भिक अनुमान छ ।
प्रहरी प्रमुख वलीले भन्नुभयो, ‘इलेकट्रोनिक पसलमा विद्युत सर्ट भएर आगलागी भएको प्रारम्भिक अनुमान छ । थप अनुसन्धान भइरहेको छ ।’ उहाँले आगलागीको घट्ना दिउँसो भएको र समयमै आगो नियन्त्रणमा आउँदा क्षति कम भएको बताउनुभयो । उहाँका अनुसार प्रहरीले क्षतिको विवरण सङ्कलनको काम गरिरहेको प्रहरीले जानकारी दिनुभयो ।
