(ABC-Sanchar)
अछाम । प्रहरीका अनुसार जिल्लाको पञ्चदेवल विनायक नगरपालिका-४ कुच्ची सालघारीस्थित विनायक बजारबाट बेलखेत शव बोकेर जाँदै गरेको भे१त ६७५६ नम्बरको ट्याक्टर घुम्तिमा मोड्ने क्रममा पल्टिएको हो ।
दुर्घटनामा पञ्चदेवल विनायक-६ का अन्दाजी २३ वर्षीय दीर्घ विकको मृत्यु भएको जिल्ला प्रहरी कार्यालय अछामले जनाएको छ । त्यस्तै, पञ्चदेवल विनायक-२ का १२ वर्षीय दमन विक, अन्दाजी ४० वर्षीय सेरे विक, पञ्चदेवल विनायक-६ का १५ वर्षीय लोकेन्द्र विक, कमलबजार नगरपालिका-५ का २२ वर्षीय प्रकाश विक, कमलबजार-३ का १८ वर्षीय तप विक, कमलबजार-२ का १५ वर्षीय रमेश विक, १४ वर्षीय सन्तोष विक र ५५ वर्षीय अम्मर दमाई घाइते भएका छन् ।
उनीहरु सबैलाई उपचारका लागि जिल्ला अस्पताल मंगलसेन लगिएको प्रहरीले बताएको छ । ट्याक्टर चालक पञ्चदेवल विनायक-४ का अन्दाजी २२ वर्षीय भरत थापा मगर फरार रहेका र उनको खोजी कार्य भइरहेको बताइएको छ । प्रहरीका अनुसार ट्याक्टरमा ३० जना सवार थिए ।
