(नन्दराम खड्का)
रोल्पा । ईलाका प्रहरी कार्यालय होलेरी प्रमुखका रुपमा प्रहरी निरीक्षक देबि प्रशाद गैरेको आगमन भएको छ।यस अघिका प्रहरी निरिक्षक मधुसूदन विश्वकर्माको सर्वोच्च अदालत काठमाडौंमा सरुवा भएपछि ईलाका प्रहरी कार्यालय होलेरीको कमान्ड सम्हाल्न इन्स्पेक्टर गैरे आएका हुन्।
प्रहरी वृत्त सिंह दरबार काठमाडौं कार्यरत प्रहरी निरीक्षक गैरेले कानु कार्यान्वयन गर्ने सवालमा कसैसंग सम्झौता नगर्ने बताएका छन्।
औसत कामकारबाही संगसंगै सामुदायिक साझेदारी कार्यक्रमलाई जोड दिएर नागरिकहरुमा सचेतता फैलाउने योजना रहेको बताए।
ईलाका प्रहरी कार्यालय होलेरीले दरबन्दीका रुपमा यस अघिसम्म १ जना मात्रै फ्रेश प्रहरी निरीक्षक पाएको थियो।उनि प्रहरी अधिकृत पोषण थापा २०७४ शालको निर्वाचन गराएर तालिममा गएका थिए।त्यसपछि जिल्ला प्रहरी कार्यालय रोल्पाबाट काच आएका प्रहरी निरीक्षक शंकर खड्का पनि ६ महिनामै सरुवा भएर काठमाडौं गएका थिए।
हाल ईप्रका होलेरीले इन्चार्जका रुपमा युवा प्रहरी अधिकृत पाएको छ।इन्स्पेक्टर गैरे होलेरी आएपछि यस क्षेत्रको शान्ति शुरक्षामा प्रभावकारी ढंगबाट टेवा पुग्ने स्थानियहरुको अपेक्षा समेत रहेको छ।
