(महेन्द्र सिंह)
बाँके । नेपालगन्ज चार्डपर्व नजिकिएसंगै बाँकेकाे जमुनाह नाकामा यात्रु सहायता कक्षकाे शुभारम्भ गरिएकाे छ जिल्ला प्रहरी कार्यालय बाँके जिल्ला ट्राफिक प्रहरी कार्यालय बाँके र ईलाका प्रहरी कार्यालय जमुनाहद्वारा यात्रु सहायताका लागि यात्रु सहायता कक्षकाे शुभारम्भ गरिएकाे छ ।
यात्रु सहायता कक्षकाे शुभारम्भ गदै प्रहरी अतिरिक्त महानिरीक्षक एआईजी श्याम लाल ज्ञवालीले यात्रहरूकाे समस्या समाधान गर्न सहायता कक्षकाे शुभारम्भ गरिएकाे बताउनुभयाे ।
एआईजी ज्ञवलीले यात्रुहरूलाई ट्राफिक सम्वन्धी तथा अन्य पिरमर्का, गुनासाेहरू भए तत्काल ट्रफिक प्रहरीलाई सम्पर्क गर्ने व्यवस्था मिलाएकाे बताउनुभयाे ।
जिल्ला ट्राफिक प्रहरी कार्यालय बाँकेका ट्राफिक प्रमुख प्रहरी निरीक्षक गाेपिकृण सुवेदीले यात्राको क्रममा हुने समस्या समाधानकाे लागि बाँके ट्राफिक प्रहरीले जतिबेला पनि साथ दिने बताउनुभयाे ।
सहायता कक्षमा खटिएको टोलीले तोकिएको भाडादर भन्दा बढी भाडा लिए/नलिएको, लामो दूरीका सवारी साधनमा २ जना चालक भए/नभएको चेक गर्ने, काउन्टरमा भाडादर टाँस्न लगाउनुका साथै सवारी साधनको क्षमता भन्दा बढी यात्रु राख्ने, टिकटमा कालो बजारी गर्ने र यात्रुलाई गन्तव्यमा नपुर्याई बाटोमै अलपत्र पार्ने जस्ता कार्यको निगरानी गरिरहेेकाे बताउनुभयाे ।
वडा प्रहरी कार्यालय नेपालगन्जका प्रहरी प्रमुख प्रहरी निरीक्षक हरि बहादुर विसीले चार्ड पर्वका समयमा यात्रहरूले मादक पदार्थ सेवन गरी झैझगडा गर्न नहुने र यात्राको क्रममा चालक सह चालकलले पनि यात्रहरूलाई सहजरूपमा गन्तव्यामा पुर्याउनुपर्ने बताउनुभयाे ।
ईलाका प्रहरी कार्यालय जमुनाहका प्रमुख मीन बहादुर विष्टले यात्रहरूलाई नाकामा हुने समस्या समाधानका लागि आफुहरू रात दिन नभनी काम गरीरहेकाे बताउनुभयाे । नाकामा यात्रुहरूलाई कुनै समस्या परे ईलाका प्रहरी कार्यालयमा सम्पर्क गर्न आग्रह गर्नुभयाे ।
