दाङ । घोराही जिल्ला ट्राफिक प्रहरी कार्यालय दाङको आयोजनामा सवारी दुर्घटना न्यूनिकरण तथा ट्राफिक सम्बन्धी जनचेतना फैलाउने उदेश्यले “ट्राफिक सप्ताह २०८०” २०८०।०६।१७ गते विधिवतरूपमा उद्घाटन भई जिल्ला व्यापक रूपमा सप्ताह अवधीभर बिभिन्न सचेतनामुलक कार्यक्रमहरू संचालन गरी शुक्रबार २६ गते जिल्ला दाङ घोराही १४ स्थित पुर्व प्रहरी संगठनको हलमा समापन कार्यक्रमको गरिएको छ ।
प्रमुख अतिथि जिल्ला प्रशासन कार्यालय दाङका प्रमुख जिल्ला अधिकारी राम बन्धु सुवेदी, बिशिष्ठ अतिथि जिल्ला प्रहरी कार्यालय दाङका प्रमुख प्रहरी एसपी राम बहादुर के.सी.पत्रकार, यातायात व्यवसायी प्रा.लि.का. प्रतिनिधी, बिभिन्न संघ संस्थाका पदाधिकारी तथा प्रतिनिधी, सरोकारवाला निकायका पदाधिकारी तथा प्रतिनिधी र स्थानिय बुद्धिजिवीहरू गरी १५० जनाको उपस्थितीमा जिल्ला ट्राफिक प्रहरी कार्यालय दाङका ट्राफिक प्रमुख प्र.नि. किरण प्रकाश मल्लले शुभकामना तथा ट्राफिक “सप्ताह २०८०” मा सम्पादन गरिएका कार्य विवरण पेश गर्नुभएको जिल्ला ट्राफिक दाङले जानकारी दिएको छ ।
