( एबिसि संचार ) 
जिल्ला प्रशासन कार्यालय धनुषाले दीपावली र छठ पर्वमा पटाका नपड्काउन अनुरोध गरेका छन् ।मंगलबार एक सूचना जारी गर्दै प्रशासनले चाडपर्वको समयमा पटाका, आतिसवाजी जस्ता प्रज्वलनशील पदार्थहरु नपड्काउन तथा बिक्री वितरण समेत नगर्न आग्रह गरेको हो ।प्रशासनले सूचनाको अवज्ञा गरी कानुन विपरीतका कार्यहरू गरेको पाइएमा कडा कारबाही गर्ने चेतावनी दिएको छ । यस्तै प्रशासनले जुवा, तास नखेल्न र नखेलाउन समेत आग्रह गरेको छ । मर्यादित रुपमा चाडपर्व मनाउन अनुरोध गर्दै प्रशासनले नेपाली संस्कृति, परम्पराको जगेर्ना गर्नुपर्ने बताएको छ । यस्तै प्रशासनले देउसी भैलो नाचगान जस्ता मनोरञ्जनात्मक कार्यहरू राती १० बजेसम्म मात्रै गर्न भनेको छ । 
