(एबिसि संचार ) यस वर्ष वसन्त पञ्चमी वा श्री पञ्चमी २०८० फागुन २ गते बुधबार परेको छ । यसै दिनदेखि कृषकहरूको हल्सारो सुरु हुन्छ । सरकारी स्तरबाट वसन्त श्रवण र जनस्तरमा सरस्वती पूजा हुने गर्दछ । संयोगले यसै दिन प्रेम दिवस (भ्यालेन्टाइन डे) पनि परेको छ ।वसन्त पञ्चमी विश्वका हिन्दुहरूको महत्त्वपूर्ण पर्व हो । यस दिन विद्याकी अधिष्ठात्री देवी सरस्वतीलाई पूजा गरिन्छ । यो पर्व वेदाङ्ग ज्योतिषकालमा वैदिक तिथिपत्रानुसार वसन्तऋतु मधु (चैत्रमास) मासमा मनाइन्थ्यो । जसमा विष्णु अनि कामदेव र रतिलाई पूजा गरिन्थ्यो । यसैलाई वसन्त पञ्चमीको पर्व भनिन्थ्यो । यसलाई सायन कालगणना पनि भनिन्थ्यो । वेदाङ्गज्योतिषको वैदिक तिथिपात्रो अनुसार मधु (सायन चैत्र) महिनाको पञ्चमी तिथिमा एउटा ठूलो उत्सव मनाइन्थ्यो । जलकण छरिनेबित्तिकै कम्पन हुन थाल्यो । यसपछि वृक्षहरूका बिचबाट एक अद्भुत शक्तिको उत्पत्ति हुन सुरु हुन्थ्यो र नयाँ सृष्टिकार्यको थालनी हुन्थ्यो भनेको पाइन्छ ।
