(एबिसि संचार ) सिराहाको खुसिपुर नगरपालिका–७ स्थित रजै मावि बलही परीक्षा केन्द्रवरबाट प्रहरीले चिट बनाएको आरोपमा एकजना युवकलाई पक्राउ गरेको छ । पक्राउ पर्नेमा गोलबजार नगरपालिका–१३ बस्ने १८ वर्षीय पप्पु कुमार सिंह छन् ।उनको समूहले परीक्षा केन्द्रबाट प्रश्नपत्र लिक गराएर बाहिर कविता फोटो स्टुडियोमा उत्तर लेखेको सिराहाका एसपी सन्तोष आचार्यले बताए ।आरोपीको साथबाट प्रहरीले अनिवार्य गणित विषयको उत्तर लेखेको ३० प्रति फोटोकपी बरामद गरेको छ । उनीविरुद्ध परीक्षा केन्द्रको वातावरण खल्बलाएको र अमर्यादित व्यवहार गरेको कसुरमा प्रहरीले अनुसन्धान गरिरहेको छ ।
