(ABC-Sanchar)
काठमाडौं । गुजरातको राजकोट सहरको मावारोडस्थित टिआरपी गेम जोनमा शनिबार आगलागी हुँदा २७ जनाको मृत्यु भएको भारतीय सञ्चारमाध्यमहरूले जनाएका छन्।
मृत्यु हुनेमा बालबालिकाहरू समेत छन्।
गेम जोनमा आगलागी भएको खबर त्यहाँको प्रहरीले अपराह्न साढे ४ बजे पाएको थियो।
त्यहाँ थुप्रै बालबालिका र उनीहरूका अभिभावकहरू थिए। अपराह्न साढे ४ बजे ग्राउन्ड फ्लोरबाट आगलागी सुरू भएको र केही बेरमै फैलिएको थियो।
प्रहरीले आगलागीको सूचना पाउनासाथ त्यहाँ दमकल परिचालन गरिएको थियो। आगलागी सुरू भएको तीन घन्टापछि मात्रै आगो नियन्त्रणमा आएको थियो भने ६ घन्टासम्म उद्धार कार्य चलेको थियो। एजेन्सी
