रोशन निधी
बिराटनगर । उच्च अदालत विराटनगरले विगत पाँच वर्ष देखिको अवधिमा १४ हजार २ सय २ मुद्दा फछ्र्यौट गरेको छ । उच्च अदालत विराटनगरकाे रजिष्ट्रार जगदीशप्रसाद भट्टका अनुसार चौथो पञ्चवर्षीय रणनीतिक योजना अनुसार विगत पाँच वर्षको अवधि सम्म २६ हजार ३० मुद्दा हरुमध्ये ४५ दशमलव ८२ प्रतिशत मुद्दा फछर्यौट गरिएकाे उहाँले जानकारी दिनुभएको छ ।
आर्थिक वर्ष २०७६/७७ देखि २०८०/८१ सम्ममा जिम्मेवारी सरी आएका नौ हजार ६८७ तथा सोही अवधिमा नयाँ दर्ता १६ हजार तीन सय ४३ मुद्दा फछ्र्याैट भएकामा एघार हजार नौ सय २८ मुद्दा हरु हाल सम्म बाँकी रहेका छन् । उक्त अवधिमा दुई वर्षे पुरानो मुद्दा १२ बाँकी रहेका छन् ।
तेसैगरि अदालतले गत आर्थिक वर्ष २०८०/८१ मा ३ हजार ८ सय ८० मुद्दा फछ्यौट गर्ने लक्ष्य राखेकाेमा तीन हजार दुई सय ५४ मुद्दा फछ्यौट भएकाे थिए । सो आवमा जिम्मेवारी सरी आएका दुई हजार ५४४ र नयाँ दर्ता तीन हजार ४२२ गरी जम्मा पाँच हजार ९६६ मध्ये तीन हजार २५४ मुद्दा फछ्र्याैट भएका उच्च अदालत विराटनगरका मुख्य न्यायाधीश रमेशप्रसाद राजभण्डारीले जानकारी गराउनु भएको हो। उहाँले १२ न्यायाधीशको दरबन्दी भए पनि कार्यरत न्यून भएका कारण मुद्दा फछ्यौटको सङ्ख्यामा कमी आएको बताउनु भएको थियोे ।
अदालतमा मुद्दाको चापकाच कारण बिहान १० बजेदेखि साँझ ८ बजेसम्म न्याय सम्पादनका लागि न्यायाधिशहरु खटिने गरेकाे मुख्य न्यायाधीश रमेश प्रसाद राजभण्डारीले जानकारी दिनुभयो । न्याय सुशासनलाई प्रमुख प्राथमिकतामा राखेको उनको भनाई थियो।
