बाँके । प्रहरीले राति भारतबाट नेपालतर्फ विभिन्न सामान तस्करी भईरहेकाे भनेर गोप्य सूचनाको आधारमा ३ लाख भन्दा बढीको समानहरु नियन्त्रणमा लिएको छ ।
बाँके प्रहरी प्रवक्ता प्रहरी नायव उपरीक्षक दिपक पातलीका अनुसार करिब दुई लाख बढी बराबरकाे सामान बरामद गरिएको हाे । बैशाख २३ गते खजुरा गाउँपालिका वडा नम्बर – १ सैनिक क्षेत्रबाट बरामद गरिएको प्रहरी प्रवक्ता प्रहरी नायव उपरीक्षक पातलीले शनिबार जानकारी दिएका छन् । भारतबाट नेपालतर्फ हुने तस्करी नियन्त्रणमा निरन्तर सक्रियता रहेकाले विशेष प्रहरी टाेलीसमेत परिचालन गरिएको जानकारी दिएका छन् ।
राति-राति भारतबाट नेपालतर्फ विभिन्न सामान तस्करी भईरहेकाे भनेर सामजिक संजालमा भिडियाे सार्वजनिक भएकाे थियाे । बाँके प्रहरी सीमा क्षेत्रबाट हुने त्यस्ता अवैध गतिविधि नियन्त्रणमा तल्लीन रहेकाे दावीसमेत गरेकाे छ ।
मुख्य नाकामा कडाइ गरिएको र सहायक तथा खुल्ला क्षेत्रबाट निरन्तर सामान नेपालतर्फ भित्रिरहेकाे भनेर बारम्बार संचारमाध्यममा समाचार प्रकाशन भईरहेका छन् । मुख्य नाकामा गरिएको कडाइपछि खुल्ला नाका भएर हुने तस्करी नियन्त्रणमा प्रहरीले निरन्तर कडाइ गरेकाे छ ।
