सिरहा । इलाका प्रहरी कार्यालय, मिर्चैयाले आइतबार पाँच क्वीन्टल ७ किलो गाँजा नष्ट गरेको हो ।
मिर्चैया प्रहरीले भदौ २१ र २३ गते ३३ वटा पोकामा रहेको उक्त गाँजा कर्जन्हा नगरपालिका-११ स्कुल टोलबाट बरामद गरेको थियो । यससँगै प्रहरीले ४ जनालाई नियन्त्रणमा लिएको थियो ।
आइतबार सोही गाँजा प्रहरीले मिर्चैया नगरपालिका-७ स्थित जीवा खोलामा जलाएर नष्ट गरेको हो । अदालत, जिल्ला प्रशासन र स्थानीय तहका जनप्रतिनिधिको रोहबरमा कानुनी प्रक्रिया पुर्याएर गाँजा नष्ट गरिएको प्रहरीले जनाएको छ ।
यस प्रकरणको अनुसन्धान भने जारी रहेको इलाका प्रहरी कार्यालय मिर्चैयाका प्रहरी निरीक्षक धिरजकुमार पटेलले जानकारी दिए ।
