रौतहट । चन्द्रपुर नगरपालिका वडा नम्बर १ स्थित मकवानपुरको सीमामा अज्ञात समूहद्वारा गोली प्रहार भएको छ। यस घटनामा मकवानपुरको हात्ती सुने माध्यमिक विद्यालयका प्रधानाध्यापक प्रेम लामा घाइते भएका छन्।
जानकारीअनुसार, चन्द्रपुर नगरपालिकाको क्षेत्रमा पर्ने जोगी खोलाको मुहान नजिक रौतहटको चन्द्रपुर नगरपालिका वडा नम्बर १ बाट मकवानपुरको राईगाउँ जाने सडकमा प्रधानाध्यापक लामामाथि अज्ञात समूहले गोली प्रहार गरेको थियो। गोलीले उनको दाहिने गालामा चोट लागेको र थप उपचारका लागि उनलाई वीरगञ्ज पठाइएको स्थानीय बासिन्दा समिर बाबु कार्कीले बताएका छन्।
घटनास्थलमा अहिले अनुसन्धानका लागि पौराही प्रहरी चौकीका सहायक निरीक्षक कुन्दन सिंहको नेतृत्वमा प्रहरी टोली खटाइएको छ।
