काठमाडौं मेयर बालेनले एमालेलाई जरिवाना गरेपछि महासचिव पोखरेलले भने : खेदजनक काम भयो !
काठमाडौं । नेकपा एमालेले काठमाडौं महानगरपालिकाको आरोपप्रति खेद ब्यक्त गरेको छ । काठमाडौं महानगरपालिकाले एमालेले फोहोर गरेको भन्दै एक लाख जरिवानाको निर्णय गरेको सामाचार सार्वजनिक भएलगत्तै महासचिव शंकर पोखरेलले खेदजनक काम भन्नुभएको छ ।
जागरणसभाको क्रममा दरवारमार्गमा भएको फोहोर पार्टी नेता कार्यकर्ताले नै सफा गरेको र महानगरलाई गाडी पठाउन अनुरोध गरिएको जानकारी दिँदै ब्यवस्थापनका लागि महानगरपालिकाले गाडी पठाउनुको साटो आरोप लगाउने काम गरेको भन्दै महासचिव पोखरेलले खेदजनक आरोप भन्नुभएको हो ।
‘कार्यक्रमपछि कार्यक्रम स्थल सरसफाई गरेर फोहर उठाउनका लागि महानगरलाई गाडी पठाउन अनुरोध गरिएको थियो । महानगरले अनुरोध स्विकार गरेर गाडी पठाउनुको साटो उल्टै फोहर गरेको आरोप लगाएको समाचार सुनियो,’ महासचिव पोखरेलले भन्नुभएको छ, ‘यो समाचार सत्य हो भने अत्यन्त दुःखद र खेदजनक विषय हो ।’
‘कार्यक्रमपछि कार्यक्रम स्थल सरसफाई गरेर फोहर उठाउनका लागि महानगरलाई गाडी पठाउन अनुरोध गरिएको थियो । महानगरले अनुरोध स्विकार गरेर गाडी पठाउनुको साटो उल्टै फोहर गरेको आरोप लगाएको समाचार सुनियो,’ महासचिव पोखरेलले भन्नुभएको छ, ‘यो समाचार सत्य हो भने अत्यन्त दुःखद र खेदजनक विषय हो ।’
पछिल्लो समय काठमाडौं महानगरपालिकाका मेयर बालेन्द्र शाह (बालेन) एमाले र अध्यक्ष तथा प्रधानमन्त्री केपी शर्मा ओलीको बिचमा बिबाद छ ।
