कपिलवस्तु । रिक्सामा ढुवानी गरेको पानीबाट गुजारा चलाउँदै आएका बनकसबासा स्थानीय गाउँलेहरु । पूर्वपश्चिम राजमार्ग छेउमा रहेको बनकसबासामा अहिले पनि पिउने पानीको अभाव नै देखिन्छ । घरमा भएभरका भाँडाकुँडा लिएर गाउँलेहरु सडक छेउमा रहेकोे पानीको धारामा पालो कुरेर पिउने पानी भर्छन् । अनि जसको रिक्सा छ, उसले रिक्सामा पानीले भरिएका भाँडाहरु हालेर घरमा ल्याउँछन् । रिक्सा नहुनेले पिठ्युँमा बोकेरै पिउने पानीको जोहो गरेको उनीहरू बताउँछन् ।
बुद्धभूमि जिल्लाको रूपमा चिनिने कपिलवस्तुको शिवराज नगरपालिका — १, बनकसबासा अहिलेसम्म पनि पिउने पानीको आपूर्तिमा सहज देखिंदैन । जब कि देशमा अधिकांश स्थानमा घर घरमा पानीको व्यवस्था भएको पाइन्छ । सडक छेउमा रहेको यही यही पानीको ढुवानीका कारण कुनै दिन यहाँ सडक दुर्घटना हुने त्रासले स्थानीयहरु चिन्तित छन् ।
एबिसी सञ्चार, भण्डाफाेर टिमका बिदुर एम सीले स्थानीयशीत गरेको स्थलगत रिपोर्टिङको यो भिडियो ।
पानीको सहज आपूर्तिका लागि उनीहरूले स्थानीय शिवराज नगरपालिकाका मेयर र वडाध्यक्षसँग हारगुहार गरेका छन् ।
