दाङ । संघीय सरकारको बजेटबाट राप्ती नदीमा पक्कि पुल बनेपनि त्यो पुलमा जोड्ने सडकको निकास नहुँदा समस्या परेको हो ।
स्थानीय जग्गाधनीले सडकका लागि निकास नदिंदा समस्या परेपछी सुल्झाउने प्रयास गरिएको छ । दाङको राप्ती गाउँपालिका–१ शान्तिपुर र अर्घाखाँचीको सितगङ्गा नगरपालिका–८ बेलौते बडीदमार जोड्ने मोटर बाटोको विवाद समाधानको प्रयास थालिएको हो ।
यो सडक खण्डमा निर्माण भएको पक्कि पुल समेत पूर्णरुपमा प्रयोगमा आउन सकेको छैन् । पुल बनिसक्दा पनि सडकको टुंगो नलाग्दा समस्या भएको हो ।
समस्या समाधानका लागि स्थानीय जनप्रतिनिधि तथा प्रमुख जिल्ला अधिकारीको तहबाट समेत पहल गरिएको छ । स्थलगत रुपमा पुगेर समस्या समाधानको पहल गरिएको हो ।
राप्ती गाउँपालिकाका अध्यक्ष प्रकाश बिष्ट, प्रमुख जिल्ला अधिकारी कृष्णप्रसाद लम्साल सहितको टोलीले सम्वन्धित स्थानीयसँग छलफल गरेको छ । पुल निर्माण गर्ने बेलामा ख्याल नगर्दा अहिले समस्या परेको भनाई छ ।
पुलसम्म जाने सडक निकाल्न सकिएको छैन् । जग्गा भोग चलन गर्दै आएका व्यक्तिहरुले अडान राखेकै कारण समस्या परेको स्थानीय जनप्रतिनिधिको भनाई छ ।
समस्या समाधानकालागि भइरहेका प्रयासलाई सार्थक बनाउनेगरी सरोकारवाला पक्षले भूमिका बढाउनुपर्ने आवश्यकता देखिन्छ ।
