नुवाकोट । तादी गाउँपालिकाको आर्थिक
वर्ष २०८१/०८२ को स्वीकृत वार्षिक कार्यक्रमअनुसार तथा प्रदेश प्राविधिक तथा व्यवसायिक शिक्षा एवम् तालिम परिषद् कार्यालयको साझेदारीमा ३९० घण्टाको (६५ दिन) मोबाइल मर्मत तालिम सञ्चालन गरिन लागेको हो ।
गाउँपालिकाले सूचना प्रकाशन गर्दै १६ वर्ष पूरा भई ४० वर्ष ननाघेका स्थायी बासिन्दाहरूलाई तालिमका लागि आवेदन दिन आग्रह गरेको छ। इच्छुक व्यक्तिहरूले नागरिकताको प्रतिलिपिसहित सूचना प्रकाशन भएको मितिले १५ दिनभित्र तादी गाउँपालिकाको कार्यालयमा आवेदन दिन सक्नेछन्।
तादी गाउँपालिकाले तोकेको स्थानमा निःशुल्क तालिम सञ्चालन हुनेछ भने तालिम सामग्री, स्टेशनरी र खाजाको व्यवस्था आयोजकले गर्नेछ । छनोट प्रक्रिया बागमती प्रदेश सरकारको सीपमूलक तालिम कार्यविधि २०८० को दफा ६ अनुसार हुनेछ ।
तालिममा सहभागी हुन चाहनेले म्यादभित्र आवेदन दिन कार्यालयले अनुरोध गरेको छ। सहभागीको छनोट गाउँपालिकाले गर्नेछ।
