महेन्द्र सिंह
बाँके पुस ४ नेपालगन्ज कारागारमा आन्दोलन सुरु भएको छ। चौकीदार हटाउन माग गर्दै नेपालगन्ज कारागारमा रहेका महिला कैदीबन्दीहरुको आज तालाबन्दी आन्दोलन गरेका छन् ।
चौकीदार र महिला कैदीबन्दी सग खानाको बिषयमा कुरा नमिले पछि बिबाद बढेको कुरा खुल्न आएको छ। चौकीदार सगको बिबादले अहिले महिला कैदीबन्दीहरुले महिला सेलको गेटमा धर्ना दिएर बसिरहेको नेपालगन्ज कारागारका निमित्त प्रमुख दिपेन्द्र पौडेलले बताए।
महिला कैदीबन्दीहरुले चौकीदारलाई भित्र थुनेर राखेको र दुबै पक्ष सग बार्ताको लागि प्रयास गरेपनि गेटमा धर्ना दिएका कारण सम्भब हुन नसकेको पौडेलले बताए। महिला कैदीबन्दीहरुलाई राम्रो खाना नखुवाएको र चौकीदारले उनिहरु सग गर्ने अभद्र ब्याबहारले बिबादको रुप लिएको छ।
बार्ता गर्ने हाम्रो प्रयास भइरहेको जसरी हुन्छ हामिले बार्ताको माध्यम बाट समस्या समाधान गर्ने पौडेलको भनाई छ। यस अघि पनि यस्तै बिषयमा पुरुष कैदीबन्दीहरुले चौकीदार बिरुद्द आन्दोलन गरेका थिए । आन्दोलन पश्चात् चौकादार र जेलरको सरुवा भएको थियो।
