०६ मंसिर २०८३, आइतबार
22-11-2026 , Sun
×

पर्सा प्रहरीले मोटरसाइकल चोरी गर्ने चारजनालाई पक्राउ

Logo
प्रकाशित शनिबार, पुष ०५, २०७६

एबिसी संचार
पर्सा पुस ५ मोटरसाइकल चोरी गर्दा प्रयोग गर्ने औजारसहित बाराका चारजना युवा पर्सामा पक्राउ परेका छन्। बाराको कोल्बी नगरपालिकाका २ र करहियामाई गाउँपालिका २ युवा मोटरसाइकल चोरी गर्दा प्रयोग गर्ने औजारसहित पर्सामा पक्राउ परेका हुन्।
मोटरसाइकलको लक फुटाउने माष्टर साँचो र चालु गर्न प्रयोग गरिने स्वीचसहित उनीहरू वीरगन्ज महानगरपालिका १५ बाट पक्राउ परेको पर्सा प्रहरीले जनाएको छ। पक्राउ परेका युवासँग मोटरसाइकल चोरी गर्दा लक फुटाउन प्रयोग गर्ने माष्टर साँचो १ थान र स्टार्ट गर्दा प्रयोग गर्ने स्वीच २ थान बरामद भएको पर्साका प्रहरी उपरीक्षक सोमेन्द्र सिंह राठौरले बताए।
पक्राउ परेका युवामा बाराको कोल्बी ६ सखुवाहाका २३ वर्षीय देवराज चौधरी र कोल्बी नगरपालिका ५ का १८ वर्षीय आशा चौधरी चौधरी रहेका छन्। त्यसै गरी बाराकै करहियामाई गाउँपालिका ५ ठोरिहाइका २० वर्षीय राकेश चौधरी र २० वर्षकै दिपक चौधरी रहेको पर्साका प्रहरी उपरीक्षक राठौरले बताए।
केही समययता वीरगन्ज महानगरपालिकालगायतका क्षेत्रमा मोटरसाइकल हराउन थालेको सूचना प्रहरीमा आएपछि पर्सा प्रहरी सूक्ष्म रुपले चोरको खोजीमा लागिरहेको थियो। यही समयमा मोटरसाइकल चोरी गर्दा प्रयोग गर्ने औजारसहित वीरगन्ज महानगरपालिका १५ प्रतिमा चोकबाट चारजना अभियुक्तहरू औजारसहित फेला परे।
पक्राउ परेका चारैजना अभियुक्तसँग थप अनुसन्धान भइरहेको पर्साका प्रहरी उपरीक्षक राठौरले बताए।

कमेन्ट गर्नुहोस्
सम्बन्धित

दाङ गढवा-१ चिसापानीका जनताले आधारभूत आवश्यकताका लागि आवाज उठाउनुपर्ने अवस्था आफैँमा दुःखद छ। पटक-पटक माग राख्दा पनि सम्बन्धित निकायको ध्यानाकर्षण नहुनु झनै विडम्बना हो। आज पनि चिसापानीवासीको एउटै प्रश्न छ  *आखिर कहिले बन्छ चिसापानीको बाटो ?* बाटो भनेको केवल माटो र ग्राभेल होइन, यो शिक्षा, स्वास्थ्य, रोजगारी र विकाससँग जोडिएको जीवनरेखा हो। बाटो नहुँदा बिरामीले […]

काठमाडौं । त्रिभुवन विश्वविद्यालय इन्जिनियरिङ अध्ययन संस्था, परीक्षा नियन्त्रण महाशाखाको सरकारी गाडी लिएर शनिबार राति पोखरामा कर्मचारीहरू फोटो सेसन र मस्तीमा व्यस्त रहेको भन्दै तस्बिरहरू सार्वजनिक भएका छन्। परीक्षा जस्तो संवेदनशील जिम्मेवारी बोकेको शाखाको सरकारी गाडी बिदाको दिन राति पोखरा पुग्नुको कारण के हो भन्ने प्रश्न उठेको छ। यो सरकारी कामकाज थियो कि व्यक्तिगत घुमघाम […]

काठमाडौं । प्रधानमन्त्री बालेन शाह दुई दिने राजकीय भ्रमणका लागि भारत प्रस्थान गरेका छन्। त्रिभुवन अन्तर्राष्ट्रिय विमानस्थलमा विराजभक्त, सुधन र जगदीश लगायतले विमानस्थल पुगेर प्रधानमन्त्री शाहलाई बिदाइ गरेका छन्। प्रधानमन्त्री नियुक्त भएपछि शाहको यो पहिलो विदेश भ्रमण हो। भ्रमणका क्रममा भारतीय प्रधानमन्त्री नरेन्द्र मोदीसँग भेटवार्ता हुने कार्यक्रम रहेको छ ।

error: Content is protected !!