सागर थापा
दाङ पुष ६ जिल्ला प्रहरी कार्यालय दाङले अबैध ५७ गोरु सहित दुई जनालाई पक्राउ गरेको छ ।
भारतको नाका हुदै अबैद्य रुपमा गोरु तस्करी गरिरहेको अबस्थामा शनिबार राति १२ बजेतिर गोरु तस्करमा संलग्न रहेको भन्दै २ भारतीय नागरिक र ५७ गोरु नियन्त्रणमा लिएको दाङ प्रहरीले जानकारी दिएको छ ।
भारतबाट नेपाल गोरु ल्याउदै गरेको अवस्थामा गढवा गाँउपालिका वडा नं.५ मुसीधारबाट पक्राउ गरिएको जिल्ला प्रहरी कार्यालय दाङका प्रहरी प्रमुख एसपी जनक भट्टराईले जानकारी दिनुभएको छ ।
उनका अनुसार पक्राउ परेका व्यक्ति भारतको बलरामपुरका रहेका छन । साथै पक्राउ परेका मानिस र गोरुलाई भन्सार कार्यालय नेपालगजं बुझाउने दाङ प्रहरी प्रमुख एसपी भट्टराईले बताए ।
