सागर थापा (क्राईमबिट) हेटौंडा पुस २१ राती १ बजे तिर पूर्व पश्चिम लोकमार्गको सडक खण्ड अन्तर्गत जिल्ला मकवानपुर हेटौडा उपमहानगरपालिका वडा नं. १९ स्थित ईलाका प्रहरी कार्यालय नेवारपानी अगाडी पुर्व पश्चिम लोकमार्गमा विशेष सूचनाको आधारमा यस जिल्ला प्रहरी कार्यालय मकवानपुर मातहत ईलाका प्रहरी कार्यालय नेवारपानीबाट प्र.ना.नि. राजेश कुमार यादवको कमाण्डमा खटिएको चेकिङ टोलीले मनहरीतर्फबाट हेटौडा तर्फ जाँदै गरेको BR06BG 9512 को भारतीय नम्बरको कारलाई रोकी कारमा सवार मानिसहरुलाई नियन्त्रणमा लिई चेकजाँच गर्दा कारको पछाडीको सिटमुनी डिकिमा लुकाई छिपाई ल्याएको ५ वटा पोकाहरूमा २१ किलो लागू औषध गाँजा फेलापरेकोमा कार चालक जिल्ला धनुषा मुख्यापट्टी गा.पा. वडा नं. ६ बस्ने वर्ष ४२ को असोक कुमार यादव र उक्त कारमा सवार जिल्ला मकवानपुर मनहरी गा.पा. वडा नं. ९ बस्ने बर्ष ४० को राज कुमार मोक्तानलाई गाँजा र कार सहित नियन्त्रणमा लिई यस कार्यालयमा ल्याई आवश्यक अनुसन्धान तथा कारबाही भइरहेको डिएसपी यादवले जानकारी दिए ।
