राजविराज पुस २० सप्तरीको छिन्नमस्ता गाउँपालिका-३ गोविन्दपुरबाट लागूऔषधसहित कटुवा पेस्तोल बरामद भएको छ। सशस्त्र प्रहरी बल बेस क्याम्प गोविन्दपुरका सशस्त्र प्रहरीको गस्ती टोलीले लागूऔषध र कटुवा पेस्तोल बरामद गरेको हो।
गस्ती गर्दै जाँदा बाँसघारीमा प्लाष्टिकको झोलामा डाईलेक्स डि.सि १०० मिलिलिटरको १५ वटा बोतल र एक थान कटुवा पेस्तोलसहित दुई राउण्ड गोली फेला परेको सशस्त्र प्रहरी निरीक्षक नविन बुढाथोकीले बताए। बेवारिसे अवस्थामा फेला परेको हतियार र लागूऔषध सोमबार जिल्ला प्रहरी कार्यालय सप्तरीमा बुझाइएको सशस्त्र प्रहरी उपरिक्षक उद्धव न्यौपानेले बताए।
