(एबिसी संचार)
पर्सा माघ ४ बीरगंज महानगरपालिका १६ स्थित भन्सार गेटबाट बिहिबार एपीएफ सशस्त्र प्रहरी टोलीले करीव पाँच लाख १७ हजार भारतीय रुपैयाँसहित एक जनालाई पक्राउ गरेको छ । पक्राउ पर्नेमा भारतमा घर बताउने २९ वर्षिय सचिन भास्कर छन् ।
सशस्त्र प्रहरी बल नेपाल नम्बर १४ गुल्म हेक्वा पर्साबाट खटिएको एपीएफ टोलीले उनलाई पक्राउ गरेको हो । निज भास्करले उक्त रकमको श्रोत खुलाउन नसकेपछि उनलाई पक्राउ गरिएको हो ।
एपीएफ टोलीले पक्राउ परेका भास्करलाई बरामद भारतीय रुपैयाँसहित आवश्यक कारवाहीको लागि राजश्व अनुसन्धान कार्यालय पथलैयामा बुझाएको छ ।
