काठमाडौं । सोमबार बसेको मन्त्रिपरिषद् बैठकले सशस्त्र प्रहरी बलका सबै एआईजीलाई एकसाथ सरुवा गर्ने निर्णय गरेको हो।
सरुवा निर्णयअनुसार हाल सीमा सुरक्षा विभागमा कार्यरत एआईजी गणेश ठाडा मगरलाई कार्य विभागमा सरुवा गरिएको छ। त्यस्तै, कार्य विभागमा कार्यरत एआईजी नारायणदत्त पौडेललाई मानव स्रोत विभागमा जिम्मेवारी दिइएको छ।
यसअघि मानव स्रोत विभागमा कार्यरत एआईजी वंशीराज दाहाललाई सीमा सुरक्षा विभागमा सरुवा गरिएको छ।
मन्त्रिपरिषद्को निर्णयसँगै सशस्त्र प्रहरी बलभित्र विभागीय नेतृत्वको जिम्मेवारी पुनःव्यवस्थापन गरिएको हो। सरुवालाई संगठनको कार्यसम्पादन थप प्रभावकारी बनाउने उद्देश्यसँग जोडेर हेरिएको छ।
