एजेन्सी । गत महिना पृथकतावादीहरूले धेरै भूभाग कब्जा गरेपछि साउदीको रणनीतिक क्षेत्रहरूमा जम्मा यमनी लडाकु तैनाथ भएको अलजजिराले जनाएको छ।
उनीहरूलाई यमनी हुथी समूहविरुद्ध आक्रमण गर्न भने आदेश नभएको बताइएको छ । लडाकु तैनाथ गरिएको ती सबै क्षेत्रहरू युएई समर्थित साउदर्न ट्रान्जिसनल काउन्सिल पृथकतावादी समूहले हालैका हप्ताहरूमा कब्जा गरेको क्षेत्रको नजिकै रहेका बताइएको छ।
यमनमा लामो समयसम्म सरकारी सेना र यमनी हुथी विद्रोहीबिच गृहयुद्ध भएको थियो। यस्तै यमनी सरकारलाई सहयोगका लागि साउदी अरबको नेतृत्वमा गठबन्धन सेनाले सघाएको थियो । विगत केही समयदेखि यमनी शान्तिका लागि युद्धविरामको घोषणा भएको छ।
