काठमाडौँ । पूर्वप्रधानमन्त्री डा. बाबुराम भट्टराईले गोरखा निर्वाचन क्षेत्र नम्बर-२ बाट प्रतिनिधि सभा सदस्यका लागि दर्ता गराएको आफ्नो उम्मेदवारी फिर्ता गरेका छन्। उनी प्रगतिशील लोकतान्त्रिक पार्टीका तर्फबाट उम्मेदवार बनेका थिए।
डा. भट्टराईले सामाजिक सञ्जालमार्फत प्रत्यक्ष सम्बोधन गर्दै उम्मेदवारी फिर्ता गर्ने निर्णय सार्वजनिक गरेका हुन्। उनले गोरखा-२ का स्थानीय नागरिक तथा विभिन्न राजनीतिक दलका प्रतिनिधिहरूबाट आएको आग्रहलाई ध्यानमा राख्दै उक्त निर्णयमा पुगेको स्पष्ट पारेका छन्।
उनका अनुसार अब संसदीय राजनीतिभन्दा बाहिर रहेर पनि जनताका आवश्यकता र अपेक्षा अनुसार योगदान जारी राख्ने प्रतिबद्धता कायमै रहनेछ। राजनीतिक जिम्मेवारीको स्वरूप परिवर्तन भए पनि सार्वजनिक सरोकारका विषयमा सक्रिय रहने उनले बताएका छन्।
