बाँके । नेपालगन्ज राष्ट्रिय जनमत पार्टीका नेता इर्फान अहमद सिद्दिकीले किसानको मुद्दामा कडा अभिव्यक्ति दिनुभएको छ।
“पसिना किसानको, मुनाफा बिचौलियाको भन्ने अवस्था अब अन्त्य हुनुपर्छ। किसानहरुको हकहितको आवाज बुलन्द गरौं, बिचौलिया दलालहरुलाई समयमै निस्तेज गरौं,” नेता सिद्दिकीले भन्नुभयो।
वास्तविक किसानले कहिल्यै पनि आफ्नो उत्पादनको उचित मूल्य नपाएको भन्दै उहाँले सरकारको अनुगमन फितलो हुँदा बिचौलियाहरू मौलाएको आरोप लगाउनुभयो। किसानलाई मल, बीउ, सिंचाइ र बजारको सुनिश्चितता नभएसम्म कृषिमा क्रान्ति सम्भव नभएको उहाँको भनाइ छ।
