पुलिसले पत्रकारमाथि अभद्र व्यवहार गऱ्यो
भनेर धेरै टिकाटिप्पणी भइरहेको सन्दर्भमा,
काठमाडौं । प्रहरीको तर्फबाट पनि केही पक्षहरू बुझ्न जरुरी छ भन्ने लागेर यो कुरा यहाँ राखेको हुँ। ड्युटीमा खटिएका प्रहरीहरू माथिल्लो तहबाट अत्यधिक प्रेसरमा काम गरिरहेका हुन्छन् । तर यो दबाब र परिस्थिति ड्युटीमा खटिएका प्रहरीप्रति आम रूपमा बुझिदिँदैन ।
आजभोलि ‘पत्रकार’ भनेर चिनिन पनि गाह्रो भएको अवस्था छ । न प्रेस कार्ड हुन्छ, न माइक — साधारण युट्युबरजस्तै मोबाइल बोकेर भिडभाडमा भिडियो खिच्ने, सुरक्षाको हिसाबले बाटो नछेक्न अनुरोध गर्दा उल्टै जङ्गिने अवस्था सिर्जना हुने गरेको देखिन्छ ।
सुरक्षामा खटिएका प्रहरीले “बाटो नछेक्नुहोस्” भनेर भनेको कुरा सुरक्षा व्यवस्थापनकै लागि हो । सुरक्षामा खटिएको प्रहरीलाई आफ्नो ड्युटी गर्न दिनुपर्छ ।
यस्ता अवस्थामा प्रहरी र भिडबीच धकेलाधकेल हुनु स्वाभाविक हुन्छ, जसलाई तुरुन्तै ‘अभद्र व्यवहार’ भनेर बुझ्नु आवश्यक छैन । त्यो प्रहरीको दायित्व र जिम्मेवारीभित्र पर्ने कार्य हो ।
त्यसैले घटनालाई एकपक्षीय रूपमा मात्र नहेरी, दुवै पक्षको अवस्था र जिम्मेवारी बुझेर निष्कर्ष निकाल्नु सबैका लागि उचित हुनेछ ।
धन्यवाद। ?
#NepalPolice #journalist
