काठमाडौं । सम्माननीय उपराष्ट्रपति श्री रामसहाय प्रसाद यादवज्यूसँग सशस्त्र प्रहरी बल (APF) का महानिरीक्षक (IGP) राजु अर्यालज्यूले आज शिष्टाचार विदाई भेट गर्नुभएको छ।
उक्त भेटघाटमा सशस्त्र प्रहरी बलका अतिरिक्त महानिरीक्षक (AIG) नारायणदत्त पौडेलज्यूको समेत उपस्थिति रहेको थियो।
भेटका क्रममा आपसी सौहार्दपूर्ण संवाद आदानप्रदान हुनुका साथै सशस्त्र प्रहरी बलको सुरक्षा व्यवस्थापन, सीमासुरक्षा तथा विपद् व्यवस्थापनमा APF को भूमिकाबारे संक्षिप्त छलफल भएको छ।
IGP अर्यालले आफ्नो कार्यकालमा प्राप्त सहयोगप्रति आभार व्यक्त गर्नुभएको थियो भने उपराष्ट्रपति यादवले उहाँको सेवाको प्रशंसा गर्दै आगामी दिनका लागि शुभकामना व्यक्त गर्नुभएको छ।
सरकारको निर्णयअनुसार हाल कार्यरत महानिरीक्षक राजु अर्याल को पदावधि सकिएपछि (AIG) नारायणदत्त पौडेलले औपचारिक रूपमा जिम्मेवारी सम्हाल्नेछन्।
