दाङ । भालुवाङ अर्घाखाँची जिल्लाको सितगंगा नगरपालिका – ८ लाहापे स्कुलमा बनेको नयाँ सौचालय अहिल्यै लथालिङ्ग अवस्थामा देखिन्छ । स्थानीयबासीको गुनासो आएपछि हामी एबिसी सञ्चारका भण्डाफाेर टिम स्थलगत रुपमा उक्त विद्यालयमा पुगेर हेर्दा दाताहरुले दिएको ठूलो धनराशि रकमबाट निर्मित राम्रोसँग निर्माण गरिएको देखिन्छ तर दु:खद कुरा भन्नुपर्दा सौचालय अत्यन्तै फ़ोहोर छ । कसिँगरले भरिएको, झ्याल – ढोका टुटेफुटेर ह्वाङै छ ।
मानौँ त्यसको स्याहार सम्भार गर्ने कोही मालिक त्यहाँ छैन । भएन भने पनि छैन भनेर गुनासो गर्ने । भएको बनाएको संरचनाको पनि यस्तो दुर्दशा । लाहापे विद्यालय परिवार, व्यवस्थापन समिति तथा स्थानीय अभिभावक कोही कसैले पनि उक्त सौचालयप्रति ध्यान नदिँदा यस्तो अवस्था भएको एक स्थानीयले बताए ।
सौचालय हेर्दाखेरि निर्माण भएको त्यति धेरै समय भएको छैन । भरखरै बनेको नयाँ जस्तो लाग्छ । छात्र – छात्राको लागि दिसा – पिसाब गर्न अलगअलग बनाइएको छ । पानीका धाराको त्यस्तै हालत देखिन्छ । मानौँ त्यो सौचालय अब कहिल्यै प्रयोग गर्नुपर्दैन । कहिले पनि चाहिँदैन । विद्यालयका अन्य पुराना भवनहरुको पनि अवस्था त्यस्तै छ । यता यस बिद्यालयका प्रधानध्यापकलाई पटकपटक फोन सम्पर्क गर्दा फोन सम्पर्क हुन सकिन ।
