बाँके । लायन्स क्लब अफ नेपालगन्ज खजुरा बाँकेको एम्बुलेन्स चौलिका चोकको व्यस्त सडकको बीचमै ४५ मिनेटसम्म बेवारिसे अवस्थामा* पार्किङ हुँदा ट्राफिक व्यवस्थापनमा गम्भीर समस्या देखिएको छ।
*के भयो:*
चौलिका चोक नेपालगन्ज-कोहलपुर सडकखण्डको मुख्य जंक्शन हो। दिउँसोको व्यस्त समयमा लायन्स क्लबको एम्बुलेन्स चालकबिनै सडकको बीच भागमा रोकिएको थियो। न आपतकालीन बिरामी थियो, न कुनै दुर्घटना। एम्बुलेन्स सडकको २ लेन ओगटेर बसेपछि पछाडि गाडीको लाम लाग्यो । ४५ मिनेटपछि ट्राफिक प्रहरी आउँदा एम्बुलेन्स गैइसकेको थियो ।
*किन समस्या भयो:*
1. *आपतकालीन सवारीको दुरुपयोग*: एम्बुलेन्सलाई साइरन, नो-पार्किङ छुट हुन्छ।
तर सेवा बाहेक बीच सडकमा रोक्दा त्यो छुटको दुरुपयोग हुन्छ।
2. *ट्राफिक जाम*: चौलिका चोकमा दैनिक १५ हजारभन्दा बढी सवारी पास हुन्छन्। एउटा एम्बुलेन्सले २ लेन थुनिँदा १ किमीसम्म जाम भयो।
3. *सुरक्षा जोखिम*: बीच बाटोमा रोकिएकाले पछाडिबाट आउने मोटरसाइकल, साइकलले ठक्कर खाने जोखिम थियो।
4. *उदाहरण*: आपतकालीन सवारी आफैं नियम तोड्दा सर्वसाधारणमा ‘कानुन सबैका लागि होइन’ भन्ने सन्देश जान्छ।
*ट्राफिक प्रहरीको भनाइ:*
जिल्ला ट्राफिक प्रहरी कार्यालय बाँकेका ट्राफिक प्रमुख प्रहरी निरीक्षक कनक शाहीका अनुसार ट्राफिक प्रहरी पुग्ने बेलासम्म एम्बुलेन्स चालक सम्पर्क विहीन थिए। ‘आपतकालीन अवस्थामा पनि ५ मिनेटभन्दा बढी बीच सडकमा रोक्न पाइँदैन। यो गम्भीर लापरबाही हो’ भन्दै ट्राफिकले लायन्स क्लबलाई स्पष्टीकरण सोध्ने जनाएको छ।
यता लायन्स क्लब अफ एम्बुलेन्स नेपालगन्ज खजुरा बाँकेका एम्बुलेन्स चालक समीर अन्सारी चलाकले बिरामी लिन गएको ठाँउमा पार्किङ
नभएको हुँदा बीच सडकमा एम्बुलेन्स राखेको गल्ती स्वकारेका छ्न ।
