(सागर थापा)
सल्यान माघ २४ सवारी दुर्घटना कम गर्न जाजरकोट सल्यान सुर्खेत सडक खण्डमा टाइम कार्ड लागू गरेको छ । जिल्ला प्रहरी कार्यालय सल्यानको पहलमा जिल्ला प्रहरी कार्यालय जाजरकोट र सल्यानको सहकार्यमा टाइम कार्ड लागू भएको हो ।
उक्त सडक खण्ड सडक साँघुरो र कच्ची भएका कारण टाइम कार्ड लागू गरिएको सल्यानका प्रहरी प्रमुख डिएसपी ढकेन्द्र खतिवडाले बताएका छन। साँघुरो सडक खण्डमा तीब्र रुपले गाडी गुड्ने भएपछि दुर्घटना उच्च रहेको भन्दै न्यूनीकरण गर्न यस्तो उपाय अघि सारिएको हो ।
टाइम कार्डमा लागू भएको समयभन्दा पहिला नै गन्तव्यमा पुगेको पाइएमा जरिबाना समेत गरिने डिएसपी खतिवडाले जानकारी दिनुभयो । उहाँले तोकिएको समयसम्म सवारी साधन रोकेर मात्र गन्तव्यका लागि छोड्ने जानकारी डिएसपी खतिवडाले दिनुभएको छ
