बर्दिया । बढैयाताल २ फुटाहाबाट भन्सार छली गरी भारततर्फ लैजाँदै गरिएको तथा गोदाममा लुकाइराखिएको ३१ बोरा (९३० केजी) चाइनिज लसुन, तीन थान साइकल र पक्राउ परेका दुई जनालाई प्रहरीले सार्वजनिक गर्दै।
बर्दियाको बढैयाताल गाउँपालिका–२ फुटाहा क्षेत्रमा भन्सार छली गरी नेपालबाट भारततर्फ लैजाँदै गरिएको रु. ७ लाख ३ हजार बराबरको चाइनिज लसुनसहित दुई जनालाई प्रहरीले पक्राउ गरेको छ।
आज राति करिब २:३० बजे लुम्बिनी प्रदेश प्रहरी कार्यालयबाट खटिएको विशेष प्रहरी टोलीले फुटाहा चेकपोस्टदेखि करिब ५० मिटर दक्षिण, दशगजा क्षेत्रको ५१ नम्बर पिलर नजिक साइकलमार्फत लसुन ओसारपसार भइरहेको अवस्थामा भारतको बहराइच जिल्लाको सोहनी ग्राम पञ्चायत निवासी ३८ वर्षीय कमान चौधरी र १४ वर्षीय रुपेश चौधरीलाई नियन्त्रणमा लिएको हो।
प्रहरीले उनीहरूको साथबाट तीन थान साइकल र १० बोरा (३०० केजी) चाइनिज लसुन बरामद गरेको थियो। त्यसपछि थप शंकाका आधारमा गरिएको खानतलासीका क्रममा नजिकैको खाली घरगोठमा बनाइएको गोदामबाट थप २१ बोरा (६३० केजी) चाइनिज लसुन बरामद गरिएको प्रहरीले जनाएको छ।
बरामद गरिएको ३१ बोरा (९३० केजी) चाइनिज लसुन र तीन थान साइकलको अनुमानित मूल्य रु. ७ लाख ३ हजार रहेको छ। पक्राउ परेका दुवै जना तथा बरामद सामानलाई आवश्यक कारबाहीका लागि इलाका प्रहरी कार्यालय मैनापोखर, बर्दियाको जिम्मा लगाइएको प्रहरीले जनाएको
