बाँके । बैजनाथ गाउँपालिका-१, रत्न राजमार्ग, चिसापानी सडक दुर्घटना न्युनिकरण गरी सुरक्षित सडक यात्रा प्रवर्धन गर्ने उद्देश्यले जिल्ला ट्राफिक प्रहरी कार्यालय बाँके र इलाका प्रहरी कार्यालय कोहलपुर*को संयुक्त आयोजना तथा *लुम्बिनी प्रदेश प्रहरी अस्पताल नेपालगंज*को सहकार्यमा रत्न राजमार्गमा विशेष चेकजाँच गरिएको थियो।
उक्त राजमार्गमा सञ्चालन हुने यात्रुबाहक तथा मालवाहक सवारी साधनका *२५ जना चालकहरुको* लागु पदार्थ सेवन सम्बन्धी *ड्रग टेष्ट किट* मार्फत प्राविधिकद्वारा परीक्षण गरिएको थियो।
परीक्षण गर्दा जम्मा ८ जना चालक लागु पदार्थ सेवन गरेको Positive देखिएको थियो।
निज ८ जना चालकहरुलाई थप अनुसन्धान तथा आवश्यक कानुनी कारवाहीको लागि *इलाका प्रहरी कार्यालय कोहलपुर, बाँके*को नियन्त्रणमा राखिएको छ।
मादक पदार्थ वा लागु पदार्थ सेवन गरी सवारी चलाउँदा आफ्नो मात्र नभई यात्रु र अन्यको जीवन समेत जोखिममा पर्छ। त्यसैले सुरक्षित यात्राका लागि ट्राफिक नियम पालना गर्न र यस्ता अभियानलाई साथ दिन सबैलाई अनुरोध गरिएको छ।
