दाङ । नेकपा (एमाले) दाङले पत्रकार शरदप्रसाद अधिकारी र अनिलकुमार आचार्यलाई पार्टीको साधारण सदस्यसमेत नरहने गरी कारबाही गरेको जनाएको छ।
एमाले दाङका नेता समेत रहेका अधिकारी र आचार्यले दाङ जिल्ला उद्योग वाणिज्य संघको निर्वाचनमा पार्टीको नीति तथा निर्णयविपरीत उम्मेदवारी दिएको भन्दै उनीहरूमाथि कारबाही गरिएको जनाइएको हो।
दाङ जिल्ला उद्योग वाणिज्य संघको आगामी असोज ११ गते हुने निर्वाचनमा अनिल आचार्यले अध्यक्ष पदमा र शरदप्रसाद अधिकारीले वरिष्ठ उपाध्यक्ष पदमा उम्मेदवारी दिएका छन्।
एमाले दाङका उपाध्यक्ष मनोहर बुढाथोकीका अनुसार पार्टीको नीति, निर्णय र नेतृत्वको निर्देशनविपरीत गतिविधि गरेको ठहर गर्दै बुधबार दुवैजनालाई पार्टीको साधारण सदस्यसमेत नरहने गरी कारबाही गरिएको हो।इन्द्रेणी अनलाईनबाट
