दाङ । घोराही स्थानीयवासीबाट प्राप्त जनगुनासोका आधारमा जिल्लाका विभिन्न स्थानहरूमा विशेष चेकजाँच गरिएको छ।
चेकजाँचका क्रममा सवारीको स्वरूप परिवर्तन गरी अनावश्यक तथा अत्यधिक चर्को आवाज निकाल्दै सञ्चालन गरिएका मोटरसाइकलहरू नियन्त्रणमा लिई प्रचलित कानुन बमोजिम आवश्यक कारबाही गरी छाडिएको छ।
सवारी साधनको स्वरूप परिवर्तन गरी ध्वनि प्रदूषण फैलाउने तथा सार्वजनिक शान्ति भंग गर्ने कार्य कानुन विपरीत भएको हुँदा यस्ता गतिविधिमा संलग्न नहुन सम्पूर्ण सवारी चालक महानुभावहरू तथा स्वरूप परिवर्तन गरिदिने ग्यारेज/वर्कशप सञ्चालकहरूलाई समेत जिल्ला प्रहरी कार्यालय दाङले अनुरोध गरेको छ ।
