०६ मंसिर २०८३, आइतबार
22-11-2026 , Sun
×

डिआइजी बढुवाको तयारी कोको छ्न धिरज प्रताप सिंहको नाम पहिलोमा

Logo
प्रकाशित बिहिबार, फाल्गुण ०८, २०७६

सागर थापा (क्राईमरिपोर्टर )
काठमाडौं फागुन ८ नेपाल प्रहरीमा रिक्त रहेको १८ डिआईजी पदमा बढुवाका लागि गृह मन्त्रालयले तयारी थालेको छ । एआईजी बढुवाको समेतको चर्चा चलिरहेका बेला रिक्त रहेका डिआईजी पदमा सुरुको चरणमा बढुवाका लागि गृह मन्त्रालयले तिव्रताका साथ तयारी थालेको हो ।
२९ माघमा सर्वेन्द्र खनालको आईजी पदबाट अवकाश भएपछि उनीसँगैका ब्याची डिआईजीहरूको पनि अवकाश भएको थियो । तीन एआईजीहरू पुष्कर कार्की, ठूले राई र धिरु बस्न्यातको पनि अवकास हुँदा पदहरू रिक्त छन् ।
‘तत्काल डिआईजीमा बढुवाका लागि तयारी भएको छ । एसएसपी बढुवा पनि सँगसँगै निकाल्ने तयारी भइरहेको छ’, स्रोतले भन्यो,‘त्यसका लागि प्रहरी प्रमुखलगायतसँग परामर्श भइरहेको छ ।’
डिआईजी बढुवामा दुईवटा ब्याचका अधिकारी छन् । हाल मानव स्रोत विभागका रहेका प्रहरी बरिष्ठ उपरिक्षक (एसएसपी) धीरजप्रताप सिंहसहितको बढुवाको तयारी भएको हो ।
एसएसपी घनश्याम अर्याल, गणेशबहादुर ऐर, पुरुषोत्तम कँडेल, प्रकाशजंग कार्की, वसन्त पन्त, ईश्वरबाबु कार्की, देवबहादुर बोहोराको पनि डिआईजीमा बढुवा तयारी गरिएको छ ।
यस्तै, काठमाडौं परिसर प्रमुख उत्तमराज सुवेदी, वसन्तकुमार लामा, दिवेश लोहनी, रवीन्द्र र धानुकलगायत बढुवाको लाइनमा छन् ।
डिआईजी बढुवा समितिको अध्यक्ष गृह मन्त्रालयका सचिव हुन्छन् । उक्त समितिमा आईजी सदस्य र गृहले रोजेका एआईजी वा डिआईजी सदस्य सचिव हुन्छन् ।
‘गृह मन्त्रालयले प्रहरीमा कुनै पनि पद खाली नहोस् भनेर बढुवाको तयारी गरेको छ । आगामी सातासम्म डिआईजी र एसएसपीको बढुवा निस्कन सक्छ’, स्रोतले भन्यो ।

कमेन्ट गर्नुहोस्
सम्बन्धित

दाङ गढवा-१ चिसापानीका जनताले आधारभूत आवश्यकताका लागि आवाज उठाउनुपर्ने अवस्था आफैँमा दुःखद छ। पटक-पटक माग राख्दा पनि सम्बन्धित निकायको ध्यानाकर्षण नहुनु झनै विडम्बना हो। आज पनि चिसापानीवासीको एउटै प्रश्न छ  *आखिर कहिले बन्छ चिसापानीको बाटो ?* बाटो भनेको केवल माटो र ग्राभेल होइन, यो शिक्षा, स्वास्थ्य, रोजगारी र विकाससँग जोडिएको जीवनरेखा हो। बाटो नहुँदा बिरामीले […]

काठमाडौं । त्रिभुवन विश्वविद्यालय इन्जिनियरिङ अध्ययन संस्था, परीक्षा नियन्त्रण महाशाखाको सरकारी गाडी लिएर शनिबार राति पोखरामा कर्मचारीहरू फोटो सेसन र मस्तीमा व्यस्त रहेको भन्दै तस्बिरहरू सार्वजनिक भएका छन्। परीक्षा जस्तो संवेदनशील जिम्मेवारी बोकेको शाखाको सरकारी गाडी बिदाको दिन राति पोखरा पुग्नुको कारण के हो भन्ने प्रश्न उठेको छ। यो सरकारी कामकाज थियो कि व्यक्तिगत घुमघाम […]

काठमाडौं । प्रधानमन्त्री बालेन शाह दुई दिने राजकीय भ्रमणका लागि भारत प्रस्थान गरेका छन्। त्रिभुवन अन्तर्राष्ट्रिय विमानस्थलमा विराजभक्त, सुधन र जगदीश लगायतले विमानस्थल पुगेर प्रधानमन्त्री शाहलाई बिदाइ गरेका छन्। प्रधानमन्त्री नियुक्त भएपछि शाहको यो पहिलो विदेश भ्रमण हो। भ्रमणका क्रममा भारतीय प्रधानमन्त्री नरेन्द्र मोदीसँग भेटवार्ता हुने कार्यक्रम रहेको छ ।

error: Content is protected !!