एबिसी संचार काठमाडौं फागुन १८ सरकारले चीनका लागि नेपाली राजदूत लीलामणि पौडेललाई फिर्ता बोलाउने निर्णय गरेको छ । आइतबार बसेको मन्त्रिपरिषद् बैठकले पौडेललाई फिर्ता बोलाएको निर्णय गरेको हो । यस्तै, सरकारले केही सचिवहरुको सरुवा गरेको छ। मन्त्रिपरिषद्को आइतबार बसेको बैठकले सचिवको सरुवा तथा पदस्थापना गरेको हो। मन्त्रिपरिषद स्रोतका अनुसार स्वास्थ्य मन्त्रालयका सचिव खगराज बराललाई उपराष्ट्रपतिको कार्यालयमा सरुवा गरिएको छ भने स्वास्थ्यमा भूमिसुधार मन्त्रालयका सचिव यादव कोइरालालाई ल्याइएको छ । भूमिसुधारका सूर्य गौतमलाई संघीय मामिला मन्त्रालयमा लगिएको छ। एकनारायण अर्याललाई सचिवमा बढुवा गर्दै काठमाडौं महानगरपालिकामा पदस्थापन गरिएको छ। महानगरका कार्यकारी अधिकृत रहेका केदार न्यौपानेलाई भूमिसुधारमा सरुवा गरिएको छ। यस्तै, अर्थमन्त्रालयका सहसचिव रामशरण पुडासैनीलाई कामू दिएर राजश्वमा लगिएको छ।
