दाङको देउखुरीमा नेपाल भारत सीमा क्षेत्रअन्र्तगत कोइलावास नाकामा कोरोना भाइरस जाँच (हेल्प डेस्क) कक्ष राखिएको छ। जिल्ला जनस्वास्थ्य कार्यालय दाङ र गढवा गाउँपालिकाको सहयोगमा कोरोना भाइरस (हेल्प डेस्क) जाँच कक्ष स्थापना गरिएको हो। विश्वभर कोरोना भाइरस (कोभिड–१९)को जोखिम बढ्दै गएको कारण भाइरस फैलिन नदिन जाँच कक्ष स्थापना गरिएको जिल्ला स्वास्थ्य कार्यालय दाङका प्रमुख सुनिता पौडेलले बताउनुभयो। यसैबीच कोरोना भाइरस नियन्त्रणका लागि नेपाल र भारतका स्वास्थ्यकर्मीबीच अन्तक्र्रियासमेत गरिएको छ। त्यस्तै, जिल्ला प्रशासन कार्यालय दाङले बिहीबार एक विज्ञप्ती जारी गर्दै अर्को सूचना जारी नहुँदासम्मका लागि कुनै पनि सभा, सम्मेलन, मेला, महोत्सव जस्ता भीडभाड हुने कार्यक्रमहरु नराख्न जिल्लाबासी सबैलाई आग्रह गरेको छ। त्यस्तै, दाङको लमही नगरपालिकाले कोरोना भाइरस (कोभिड–१९)को जोखिम बढ्दै गएको कारण नगर अन्र्तगत कुनै पनि क्षेत्रमा सार्वजनिक कार्यक्रमको आयोजना लागि स्वीकृत नदिइने जनाएको छ।
