दाङ फागुन २२ अनौपचारिक क्षेत्र सेवा केन्द्र (इन्सेक) को आयोजना तथा मानवअधिकार निगरानी समूह र थारु कल्याणकारिणीसभाको सहकार्यमा आज घोराहीमा आयोजना गरिएको स्थानीय सरकारबाट उपलव्ध हुने कृषि अनुदानसम्वन्धि अन्तरक्रियामा बोल्दै सरोकारवालाहरुले यस्तो बताएका हुन ।
वक्ताहरुले स्थानीय सरकारले दिने कृषि अनुदानलाई किसानले गर्न सक्ने उत्पादन क्षमताको आधारमा अनुदान उपलव्ध गराउने र दिइएको अनुदानलाई वीउ पुँजीको रुपमा विस्तार गर्नुपर्नेमा जोड दिएका हुन ।
पहुँचका भरमा दिइने अनुदानले उत्पादन भन्दा अनुदानकै लागिमात्रै हुने भन्दै वास्तविक किसानहरुको पहिचान गरेरमात्रै अनुदान दिने व्यवस्था गर्नुपर्नेमा जोड दिइएको थियो ।
कार्यक्रममा सहभागिहरुले अहिलेसम्म कृषि अनुदानका नाममा दिइने रकम पहँुचका भरमा दिइएको भन्दै गुनासो गरेका थिए । कार्यक्रममा बोल्दै दाङ उद्योग वाणिज्य संघका अध्यक्ष नारायणप्रसाद भुसालले कृषि उत्पादन र किसानको जीवनमा परितर्वन
ल्याउने हो भने अनुदानका कार्यक्रमबारे जनप्रतिनिधि गम्भीर हुनुपर्ने बताउनुभयो । जिल्ला सहकारी संघका उपाध्यक्ष अञ्जन पौडेलले अनुदानकै लागि किसान बन्नेहरु समाजमा रहेको भन्दै वास्तविक किसानलाई प्रवद्र्धन गर्न जरुरी रहेको बताउनुभयो ।
अधिकारकमीहरु केशवकुमार शर्मा, चन्दराज पन्त र श्रीमन न्यौपानेले कृषि अनुदानलाई व्यवस्थित गर्नुपर्ने भन्दै कृषिजन्यवस्तुको आयात रोक्नेतर्फ सरकार लाग्नुपर्नेमा जोड दिनुभयो । मानवअधिकार समूह घोराहीका अध्यक्ष लौटन चौधरीको अध्यक्षतामा भएको
कार्यक्रममा बोल्दै कृषि ज्ञानकेन्द्रका अधिकृत भरतमणि पोख्रेलले अनुदान पहुँचको भरमा भन्दा वास्तविक किसानलाई दिनेतर्फ सजग भएर काम गरिरहेको बताउनुभयो ।
उहाँले किसानलाई दिइने अनुदान प्रतिफलका आधारमा दिनुपर्नेमा जोड दिनुभयो । थारु कल्याणकारिणीसभाका जिल्ला संयोजक भुवन चौधरीको स्वागत मन्तव्यबाट सुरु भएको कार्यक्रमको सञ्चालन इन्सेक सहजकर्ता विनोद केसीले गर्नुभएको थियो ।
देशैभरका औषधि थोक व्यवसायी गोलवद्ध हुँदै
पत्रकारलाई घरमै बसेर काम गर्ने वातावरण मिलाउन आग्रह
कैलालीमा एक किलो चरेशसहित प्रगति होटलका संचालक पक्राउ
कर्णालीको विकटमा कोभिड संक्रमितको उद्धारको लागि हेलिकोप्टर
कोरोना संक्रमण बढ्न थालेपछि पशुपतिका सबै मन्दिर बन्द
नाकाबाट आईसोलेशनमा लैजाने क्रममा कोरोना संक्रमित एम्बुलेन्सबाटै फरार