सागर थापा /महेन्द्र सिंह
बाँके नेपालगंज उपमहानगरपालिका १५ जमुनाहबाट नियन्त्रित लागूऔषधसहित एक जनालाई पक्राउ गरेको छ ।
जानकी गाउँपालिका-६ बस्ने ३५ वर्षीय सट्टु चौहानलाई नियन्त्रित लागूऔषध कोरेक्स २ सिसि, नाईट्रोभ्याट १५ ट्याब्लेट र स्पास्मो १६ ट्याब्लेट सहित शुक्रबार बिहान प्रहरीले पक्राउ गरेको छ ।
ईलाका प्रहरी कार्यालय जमुनाहबाट खटिएको प्रहरीले भारतबाट नेपालतर्फ आउँदै गरेका चौहानलाई उक्त लागूऔषध सहित फेला पारी पक्राउ गरेको हो ।
प्रहरीले थप आवश्यक अनुसन्धान गरिरहेको ईलाका प्रहरी कार्यालय जमुनाका प्रहरी प्रमुख माधव रिजालले जानकारी दिनुभएको छ ।
