काठमाडाैं विश्व स्वास्थ्य संगठनले नेपाललाई कोरोना भाइरसकाे उच्च जोखिमा राखेपछि मन्त्रीहरुको विदेश भ्रमण पनि धमाधम स्थगित भएको छ। महिला बालबालिका तथा ज्येष्ठ नागरिक मन्त्री पार्वत गुरुङको अमेरिका भ्रमण र श्रम रोजगार तथा सामाजिक सुरक्षा मन्त्री रामेश्वर राय यादवको जापान भ्रमण स्थगित भएको छ। आइतबार महिला मन्त्रीसहित एकसय जना सहभागी टोली न्यूयोर्क जाने तय भएको थियो। महिला दिवसको अवसरमा संयुक्त राष्ट्रसंघको आयोजनामा न्यूयोर्कमा कार्यक्रम हुन्छ। केही समय अगाडि संयुक्त राष्ट्रसंघका महासचिवले न्यूयोर्कमा हुने कार्यक्रममा बाहिरका प्रतिनिधिमण्डललाई सकेसम्म नआउन आग्रह गरेका थिए। मन्त्रीको टिकट काटिकसकेको अवस्थमा पनि रद्द भयो। मन्त्री गुरुङले आफ्नो अमेरिका भ्रमण स्थगित भएको जानकारी दिनुभयाे। महिला मन्त्रालयको प्रतिनिधित्व गरिरहका मन्त्रीसहितको टोलीको अमेरिका भ्रमण जाने टोलीको भ्रमण मन्त्रीपरिषदबाट स्वीकृति गरिसकेको थियो। मन्त्रीको न्यूयोर्क जाने कार्यक्रम रद्द भएपछि राष्ट्रसंघीय कार्यक्रममा नेपालको प्रतिनिधित्व राष्ट्रसंघका लागि नेपालका स्थायी प्रतिनिधिले सहभागिता जनाउने स्रोतले बतायो। यस्तै जापानसँगको श्रम समझदारी कार्यान्वयका विषयमा वार्ता गर्न यही मार्चमा जापान जाने तयारीमा रहेका श्रममन्त्री यादवको जापान भ्रमण स्थगित भएको हो। मन्त्री यादवको भ्रमण तत्कालका लागि स्थगित भएको श्रम मन्त्रालयले जनाएको छ। कोरोनाकै कारण नेपाल सरकारले देशभर सार्वजनिक कार्यक्रमहरु पनि नगर्न अपील गरेको छ। प्रमुख दलहरु नेकपा र काँग्रेसले पनि आफ्ना कार्यक्रमहरु स्थगित गरिसकेका छन्।

सम्बन्धित

बाँके प्रहरीले मोबाईल पसलमा चोरी गर्ने नाबालक सहित ३ जना पक्राउ

राष्ट्रपति विद्यादेवी भण्डारी मार्फत दुई प्रदेश प्रमुखले लिए सपथ

अवकाशप्राप्त सशस्त्र प्रहरीका डीआईजी श्रेष्ठ पुनः पदमुक्त

दाङ प्रहरीले सालको २७ थान चिरान काठ पक्राउ

त्रिभुवन अन्तर्राष्ट्रिय विमानस्थलमा कार्यरत असई गिरी उत्कृष्ट प्रहरी घोषित

तालिम केन्द्रमा मानवीयपन कायम राखी दक्ष प्रहरी तयार गर्न आइजिपी थापा क्षेत्रीको निर्देशन