:विज्ञहरू एजेन्सी विश्वभर कोरोना भाइरस सङ्क्रमितको सङ्ख्या लगातार बढिरहेको छ। भाइरसको ‘इपिसेन्टर’ चीनमा सङ्क्रमित घटिरहेका विवरण प्राप्त भएपनि चीन बाहिर भाइरसले झन् डरलाग्दो रूप लिँदै गएको छ। विज्ञहरू भाइरस कहाँबाट आयो र यसको उपचार के हुनसक्छ भन्ने बारे अझै निष्कर्षमा पुग्न सकेका छैनन्। कोरोनाले त्रास सिर्जना गरिरहँदा मानिसहरू यसबाट बच्ने उपायको खोजी गर्न थालेका छन्। अहिले नेपाल, भारत लगायतका देशमा सामाजिक सञ्जालमा रक्सीको सेवनले कोरोना ठिक गर्छ भन्दै अपवाह मुलक खबर भाइरल बनेको छ। घातक भाइरसबाट बच्न रक्सी सेवन गर्नुपर्ने र रक्सीले भाइरसलाई नष्ट गर्ने दाबी गरिएको छ। सामाजिक सञ्जालमा रक्सीले कोरोना ठिक गर्ने हल्ला फैलिएपछि विश्व स्वास्थ्य सङ्गठन (डब्ल्यूएचओ)ले मुख खोलेको छ। डब्लूएचओका प्रमुख टेड्रोस अडेनोम घेब्रिसले उक्त कुरा झुटो रहेको भन्दै यस्ता अफवाहबाट टाढा रहन सुझाव दिएका छन् । कोरोना भाइरस बारे गलत खबर फैलिएपछि डब्लूएचओले रक्सीले कुनैपनि भाइरस नष्ट नगर्ने स्पष्ट पारेको छ। डब्लुएचओका अनुसार त्यस्ता पदार्थहरूको सेवन तथा स्वास्थ्यका लागि निकै हानिकारक छ। कोरोना भाइरस रोकथामका लागि विज्ञहरुले हात नमिलाउन, साबुन पानीले पटक–पटक हात धुन, भिडभाडबाट टाढा रहन, ज्वरो–खोकी लागेको मान्छेसँग नसुत्न, जंगली जनावरलाई नछुन तथा सर्जिकल मास्कको प्रयोग गर्न सुझाव दिएका छन् । खोकी, ज्वरो र श्वास फेर्न गाह्रो भएको अवस्थामा चेक गर्न जान अधिकारीहरुको सुझाव छ।

सम्बन्धित

पुर्व मन्त्री दिपक गिरीलाई दाङमा भब्य स्वागत

पुर्व प्रधानमन्त्री झलनाथ खनालको उपचार खर्च सरकारले दूतावास मार्फत दिने

राष्ट्रपतिलाई महाअभियोग लगाएर देखाउन महेश बस्नेतको चुनौती

बर्दियामा नुहाउन गएका ३ जना बेपत्ता खोजतलास जारी

काठमाडौं बल्खुमा ट्राफिकको नयाँ भवनको शिलान्यास गर्दै ट्राफिक प्रमुख :भट्टराई

ब्राउन सुगर सहित सलमान खान, पक्राउ