दाङको सीमा नाकामा सशस्त्र सुरक्षा बल स्थापना हुदै

दाङको नेपाल भारत सिमाक्षेत्रमा थप एक स्थानमा सीमा सुरक्षा बल स्थापना हुने भएको छ । गढवा र राजपुरका क्षेत्रमा रहेका सिमाक्षेत्रमा थप एक स्थानमा सुरक्षा बल स्थापना हुने भएको हो ।
यसअघि कोइलाबास र सुनपथ्रीमा सुरक्षा बल स्थापना भएका छन् । दक्षिण क्षेत्रमा रहेका गढवा र राजपुरका नाकाक्षेत्रमा थप सुरक्षा बल स्थापना हुने भएपछि स्थानीय खुशी भएका छन् ।
स्थानीय प्रशासनको पहलमा राजपुरको खंग्र्रानाकामा सीमा सुरक्षा बल स्थापना हुने भएको छ । आज एक औपचारिक कार्यक्रम गरी सुरक्षा बल स्थापना गर्ने तयारी गरिएको जिल्ला प्रशासन कार्यालय दाङले जनाएको छ ।
चालु आर्थिक बर्षमै जिल्लाका नाकाक्षेत्रमा थप सुरक्षा बल स्थापना गर्ने तयारी रहेको दाङका प्रमुख जिल्ला अधिकारी गोबिन्द प्रसाद रिजालले जानकारी दिनुभएको छ ।